ਜ਼ਿੰਦਗੀ
ਇਕ ਖੂਬਸੂਰਤ ਰਾਹ
ਨਾ ਜਿਸਦੇ ਆਦਿ ਦਾ ਪਤਾ ਨਾ ਅੰਤ ਦਾ |
ਇਸ ਰਾਹ ਤੇ ਸਫਰ ਕਰਦੇ
ਅਣਗਿਣਤ ਲੋਕ ਤੇ
ਰਾਹ ਦਾ ਹਰ ਨਿਸ਼ਾਨ
ਸਮੇਂ ਦੀ ਧੂੜ ਵਿਚ ਮਿਟਦਾ ਹੋਇਆ ਵੀ
ਕਹਾਣੀ ਦੱਸਦਾ ਹੈ ਲੋਕਾਂ ਦੀ
ਜੋ ਜਾ ਚੁਕੇ ਹਨ |
ਤੇ ਇਹੀ ਰਾਹ ਕਲ ਨੂੰ
ਤੇਰੀ ਮੇਰੀ ਤੇ ਹੋਰਨਾਂ ਦੀ
ਕਹਾਣੀ ਸੁਣਾਏਗਾ|
ਤੇ ਫਿਰ ਅਗਲੇ ਦਿਨ ਹੋਰ ਰਾਹੀਆਂ ਦੀ |
ਬੱਸ ਐਸੇ ਕੰਮਾਂ ਨੂੰ ਦੇ ਅੰਜਾਮ ਤੂੰ
ਕਿ ਤੇਰਾ ਨਾਂ ਵੀ ਆ ਸਕੇ
ਇਸ ਰਾਹ ਦੇ ਮੀਲ ਪੱਥਰਾਂ ’ਤੇ
ਕਿ ਤੇਰਾ ਸਫਰ ਮੁੱਕਣ ਤੇ ਵੀ
ਚਲਦੀ ਰਹੇ ਕਹਾਣੀ ਤੇਰੀ.........
No comments:
Post a Comment